- سمير: إيه واللّه البنت شاطرة!

- حسن : لك على فكرة شو منعزّيك بصاحبك شارون أو بعدو ما مات? (ضاحكاّ) العمى بقلبو شو صاير أد البغل. منيح إنك رحت عالحبس و قعدت بلا أكل و ضعفتلك شويّة و إلا صرت مثلو هيك برميل... ما بيلبقلك أبدا!!

- سمير: حظي منيح واللّه معك حق... بس خبّرني: فكّرتو بهالحزب بقصة هالمطار بحالات أو بعد?

- حسن : واللّه فكرة فظيعة!! قرّرنا بالحزب نمشي معكن بالفكرة. تخيّل صور بشير و الخميني على طريق مطار حالات!!!

- سمير: و شو بدنا نسمّي المطار?

زعيم حركة 34 آذار مستاء من عدم حسب
حسابه في مشروع مطار حالات.

- حسن : أزبط فكرة إنو إسمه يكون: مطار آية اللّه بشيرالجميّل. شو رأيك?

- سمير: واللّه فكرة!! منين عم تجيب كل هالأفكار? واللّه منك قليل!!

- حسن : (ضاحكاّ) لك يا سمير القصة ما بدها ذكاء... إنت ما بقى تلقط شي على الطاير... وبدّك تستلم مطار?? شكلو طلمس مخّك على القعدة بالحبس.

- سمير: واللّه شو!!!! دخلك فكّرتو شو ح تعملو " بالطرقات المؤديّة إلى المطار"? لأن إذا ح تعملو مشاكل مع إسرائيل كل ما دق الكوز بالجرة, يعطيك العافية, ما ح يضل لا جسر و لا طريق!!!

- حسن : ولو سمير أكيد فكّرنا بالقصة!! المشروع إنو هالمطار ما ح يكون إلو لا طريق و لا جسر مؤديّة "لقطع الطريق على العدو المتربّص بالأمة". شو رأيك?

- سمير: وكيف بيوصلو الناس على المطار?

- حسن : ما كل عمر الناس ب هالبلد ماشية على شبه طرقات, نازلين بجورة و طالعين على مطب... شو فكرك ح تأثّر!!!

الغضب و الإحباط يظهر بصورة واضحة على وجوه
اللبنانييّن بسبب الحالة المتأزّمة.

أفاد مراسلنا في بيروت أن الإحتجاجات و التظاهرات المؤيدة من جهة و المعارضة من جهة أخرى ما تزال مستمرة بزخم في بيروت في ظلّ ما تشهده البلاد من فراغ دستوري متمثل في عدم إنتخاب رئيس جمهوريّة. و تتخلل هذه التظاهرات و التظاهرات المضادة أعمال إستفزازيّة و شغب تزيد من حساسيّة الوضع و تدفع بالبلاد نحو المجهول. مشاهد الإحتكاكات هذه تتكرّر و ستؤدّي حسب المراقبين السياسيّين إلى درجات خطيرة من الإحتقان و التوتّر. و الصور الواردة في هذا المقال تعكس حقيقة الوضع على الأرض.

أمين عام الأمم المتّحدة بان كي مون إنضمّ إلى تظاهرة ليعبّر
عن سخطه و شعوره بالإحباط بسبب الحالة المتأزّمة في لبنان.

و في خضم ما يجري ورد عن مصدر موثوق رفض ذكر إسمه أن إتصالات سرّيّة جرت بين حزب اللّه و القوات اللبنانية للإتّفاق على آليّة لتنفيذ مشروع قديم طالما حلمت به القوات اللبنانية منذ منتصف الثمانينات. و لا يخفى على أحد أن المشروع هو إقامة مطار حالات. غير أن دخول حزب اللّه على الخط لصالح هذا المشروع يضع الأمر في الواجهة حاليا ويطغى على كلّ ما تمّر به البلاد من أزمات سياسية وفنيّة. وحصل مراسل الشربكة على فحوى إتّصال هاتفي بين سمير جعجع و حسن نصراللّه في هذا الخصوص و جاء فيه ما يلي:

- حسن : آلو سمير? معك نصراللّه. سامعني?

- سمير: أهلا أهلا بطركنا! كيفك. وين هالغيبة?

- حسن : لك هيدا أنا حسن مش البطرك. حسن من الحزب... بس ليك عم فكّر أعمل بطرك. شو رأيك? بتطلع حلوة. تخيّل: مار حسن نصراللّه بطرس الصفير !! (يضحك).

- سمير: واللّه مش واردة هلّق. خير إنشاللّه. شو في أخبار?

- حسن : لك واللّه الأخبار عندك... شو قال طلعت من الحبس (يضحك). واللّه كنت خلّيك كان أزبطلك. حال البلد زفت. بعدين الكلّ ملاحظ إنو جنبلاط عم يلعب بعقلاتك.

مؤيّد لتيّار31 شباط يهاجم تظاهرة مؤيّدين لتيّار34 آذار
و يظهر رجال الشرطة عاجزين تماما عن صد ّ قفزته النوعيّة.

- سمير: شو هالحكي!! بس بتعرف شو? أنا حاسس إنو وليد جن أو صرلو شي!

- حسن : إنتبه يا سمير وليد عم بفكّر يعمل ماروني لياخذ محلّك بالقوات و بعدين يعمل رئيس جمهوريّة!!...

- سمير: شو هالحكي!! منين جايب هالأخبار?

- حسن : لك عم قلّك الأخبار عندك يا سمير!!...

- سمير: شو قصدك دايما بتقول الأخبار عندك!!!

- حسن : (ضاحكاّ) ولو سمير!! عندك كل أخبار الإغتيالات يا ملعون!! دخلك مين عم يعطيك هالمعلومات عن الإغتيالات? شكلك مزبّط حالك مع ماغي فرح?! عم تعطيك كلّ التوقّعات الفلكيّة إيه??

- سمير: يا حسن كلنا منعرف إنو كذب المنجّمون ولو صدقوا!!

- حسن : بس بتعرف شو? ماغي فرح شاطرة بالأبراج!! بيعجبني برج الثدي و برج البشعاء أكثر شي. كمان برج السطو و برج الشمطاء و برج الهوجاء.